ڕۆژا ئێکشەمبی ڕێـککــەڤتی (٢٠٢٥/٦/٢٢) ب هەلکەفتا ساڵیادا کوچا داوییا مامۆستایێ زمانڤانییا کوردی (پ.د. محەممەد مەعروف فەتاح) سەنتەرێ زمانڤانییێ حەمەی مارف ل کۆلیژا پەروەردەیا شارەزوور - زانکۆیا حەلەپچە، چاڵاکیەکا زانستی ب ئەڤێ هەلکەفتێ ئەنجامدا.
د چاڵاکیێ دا، چەندین پەیڤ هاتنە خواندن و پاشان پەنەڵەکێ زانستی بڕێڤەچوو، تێدا سێ ڤەکۆلین وەک ئێکەم و دوەم و سیەم هاتنە هەلبژارتن، دهاتە زانین پێشتر ئەڤ ڤەکۆلینە هاتبوونە خواندن و هەلسەنگاندن.
ب خوشحالیڤە، ڤەکۆلینا مامۆستا و سەرۆک پشکا زمانێ کوردی ل زانکۆیا زاخۆ خانم (پ.هـ.د. ژیروان سەعید حاجی بەدری) ئەوا ب ناڤونیشانێ (دیسگرافییا ل دویڤ ئەزموونا زمانی یا سنێلە وتازەپێگەهشتییان ل دەف فێرخوازێن فاکۆلتییا زانستێن مرۆڤایەتی ل زانکۆیا زاخۆ) شیا پلەیا ئێکێ یا هەلسەنگاندنێ بدەستڤە بینیت.
